თბილისი (GBC) -Zara-ს მფლობელმა Inditex -მა გაყიდვების ზრდის შემცირებაზე განაცხადა. 

მესამე კვარტალში ზრდის შენელების მიზეზი ევროპაში თბილი შემოდგომა გახდა, თუმცა ამის მიუხედავად, ანალიტიკოსების მოლოდინი წლის ბოლოსთვის უფრო პოზიტიურია. 

კომპანიის სტატისტიკით, აგვისტო- ოქტომბერში Inditex -ის გაყიდვები 6%-ით, 6.3 მლრდ ევრომდე გაიზარდა (7.4 მლრდ დოლარი), ამასთან, მეორე კვარტალში გაყიდვები 9.2%-ით, შარშან მესამე კვარტალში კი, 11.6%-იან ზრდას აჩვენებდა. 

აღსანიშნავია, რომ Inditex-ის წმინდა მოგება მესამე კვარტალში 2.7%-იანი ზრდის შემდეგ, 975 მლნ ევრო იყო. 

ანალიტიკოსები მიიჩნევენ, რომ აციებასთან ერთად კომპანიის გაყიდვებიც გაიზრდება. Inditex -მა უკვე აღნიშნა, რომ 1 ნოემბრიდან 11 დეკემბრამდე, კურსის რყევის გათვალისწინების გარეშე, 13 % არის გაზრდილი.