თბილისი (GBC) - საერთაშორისო სავალუტო ფონდმა გლობალური ეკონომიკის ზრდის პროგნოზი გააუმჯობესა.

გავლენიანმა  ორგანიზაციამ  2018 -2019 წელბში მსოფლიო ეკონომიკის ზრდის პროგნოზები 0,2 პ.პ. გაზარდა და 3.9%-იან ნიშნულზე გასვლას ვარაუდობს.

სსფ-ს ექსპერტებმა პროგნოზის გაუმჯობესების მიზეზად გლობალური ეკონომიკური ზრდის დინამიკა  და ამერიკის საგადასახადო პოლიტიკის ბოლოდროინდელი ცვლილებები დაასახელეს.  ამასთან, სსფ მიუთითებს, რომ 2017 წელს მსოფლიო ეკონომიკა 3.7% გაიზარდა 0.1% პროცენტული პუნქტით მეტად ნავარაუდევთან შედარებით, რასაც ფართო ბაზა ჰქონდა, მოხდა  ეკონომიკის მოულოდნელი აჩქარება ევროპასა და აზიაში.  

უფრო კონკრეტულ პროგნოზებს, რომ ჩავხედოთ, განვითარებული ქვეყნების ეკონომიკები 2018 წელს 2.3%, 2019 წელს კი, 2.2% გაიზრდება. აშშ-ში ზრდა 2.7%-მდე დაჩქარდება, ევროზონაში 2.2% მიაღწევს.

განვითარებად ქვეყნებში ზრდა 4.9 და 5.0%-ზეა ნავარაუდევი. პროგნოზები უცვლელია. 2018 წელს ეკონომიკური ზრდა რუსეთში 1.7%, ჩინეთში 6.6%, ინდოეთში 7.4% იქნება.