თბილისი (GBC) -  Standard & Poor’s -ი უახლოეს წლებში აზერბაიჯანის ეკონომიკის ზრდის დაჩქარებას ელის.

ნავთობის "კრიზისით" გამოწვეული ვარდნის შემდეგ, გავლენიანი სარეიტინგო სააგენტო მომდევნო 4 წელიწადში, საშუალოდ, 3.3 %-იან ზრდას პროგნოზირებს.

ახალ ანგარიშში სააგენტომ აზერბაიჯანს გრძელვადიანი რეიტინგი დაუდასტურა - BB+/B დონეზე, პროგნოზი კი, "ნეგატიურიდან" "სტაბილურამდე" გაუზარდა.

სააგენტოს ექსპერტები მიიჩნევენ, რომ ეკონომიკის ზრდის დაჩქარების მთავარი ფაქტორი შაჰ-დენიზის მეორე ფაზის ფარგლებში გაზის მიწოდების დაწყება იქნება. 

"საინვესტიციო ნაკადების ზრდა და გაზის ექსპორტი დადებითად აისახება აზერბაიჯანის ეკონომიკურ მაჩვენებლებზე", - აცხადებს სააგენტო.