თბილისი (GBC) – ყოფილმა შინაგან საქმეთა მინისტრმა კრიპტოვალუტაში ფული წარმატებულად დააბანდა.

გიორგი მღებრიშვილის ახალი დეკლარაციით (29.01) ირკვევა, რომ ის 12 ბიტკოინის მფლობელია, რომელიც გასულ წელს სულ რაღაც 10 440 დოლარად შეუძენია. 2018 წლის 1 თებერვლის კურსით, მის მფლობელობაში არსებული კრიპტოვალუტის ღირებულება 11-ჯერ არის გაზრდილი და 114 798 დოლარს აღემატება.

ყოფილი შს მინისტრი ამ დროისათვის საგანგებო სიტუაციების მართვის სამსახურის უფროსია. მისი ოჯახის მფლობელობაში  2 სახლი და მიწის ნაკვეთია.

რაც შეეხება ფულად დანაზოგებს.  დეკლარაციის შევსების მომენტში „ტერა ბანკის“ სახელფასო ანგარიშზე მღებრიშვილს  7 759,7 ლარი, ნაღდი ფულადი თანხის სახით კი 75 000 დოლარი ჰქონდა( 2014 წელს მიწის ნაკვეთის გაყიდვიდან მიღებული შემოსავალი და  სახელფასო დანაზოგი).

გიორგი მღებრიშვილს მეუღლე და 3 შვილი ყავს.