თბილისი (GBC) - ავტო სარემონტო სერვისის ამერიკული კომპანია Midas საქართველოს ბაზარზე შემოდის.

კომპანიას ბაზარზე შემოსვლასა და თავის დამკვიდრებაში ბიზნეს-საკონსულტაციო კომპანია  EXPERTO დაეხმარება.

EXPERTO ამჟამად ორიენტირებულია ბაზრის შესწავლასა და ახალი ბიზნეს შესაძლებლობების იდენტიფიცირებაზე იმისთვის, რომ მომზადდეს შესაბამისი სამოქმედო არიალი Midas- ის მომავალი აქტივობების განხორციელებლად საქართველოს ბაზარზე.

„მოხარულები ვართ, რომ წარმოვადგენთ Midas-ს და დავეხმარებით მას საქართველოს ბაზარზე დამკვიდრებაში. უკვე 60 წელია Midas-ი მსოფლიო ლიდერი კომპანიაა ავტომობილების შეკეთებისა და აღდგენის მიმართულებით. კომპანია ორიენტირებულია ხარისხიანი სერვისის მიწოდებაზე და მათი პროფესიონალიზმი დიდი უპირატესობა იქნება ქართველი მომხმარებლისთვის“ - განაცხადა ლუდვიკ ჟირომ, EXPERTO-ს დამფუძნებელმა და მმართველმა დირექტორმა.

ევროპასა და საქართველოში Midas-ს წარმოადგენს Mobiva, რომელიც დიდი ფრანგული ჰოლდინგის წევრია. Mobiva-ში 21 000-ზე მეტი ადამიანია დასაქმებული. იგი 6 სხვადასხვა სექტორსა და 21 კომპანიას აერთიანებს. Mobiva ფლობს Midas-ის ფრენჩაიზს საფრანგეთში, ესპანეთში, იტალიაში, პორტუგალიაში, ავსტრიაში, ბელგიასა და ჩრდილოეთ აფრიკაში.

„ჩვენი კომპანია დაინტერესებულია საქართველოს ბაზრის სპეციფიკით და ჩვენ ძალიან ვაფასებთ EXPERTO“-ს წვლილს „Midas”-ის ოპერირებისა და გაფართოებისთვის საჭირო ინვესტორის მოძიების საკითხში. ბაზარზე „Midas“-ის გამოჩენა ახალ შესაძლებლობებს მისცემს ავტომობილისტებს და გააუმჯობესებს პროფესიონალური სერვისის დონეს“ - განაცხადა ლაურენტ პომიემ, „Midas“-ის ევროპული ნაწილის საერთაშორისო განვითარების დეპარტამენტის დირექტორმა.

Midas-ი ავტომობილების ტექნიკური მომსახურების სრულ სერვისს სთავაზობს მომხმარებელს სხვადასხვა ბრენდის ავტომობილებისთვის, რაც ყველა მიმართულებას მოიცავს მუხრუჭების, ფილტრების, ელექტრო დიაგნოსტიკის, კონდინცირებისა და კონუსის ჩათვლით.

Midas-ის სათადარიგო ნაწილების ხარისხი საერთაშორისო სტანდარტების შესაბამისია და რაც მთავარია, კომპანია კონკურენტულ ფასს სთავაზობენ მომხმარებელს.