თბილისი (GBC) -  ვალუტის გადამცვლელი პუნქტებს ეროვნული ბანკი ახალ რეგულაციების უწესებს. 

საკანონმდებლო ცვლილებებით,  1 მარტიდან,  ვალუტის გადამცვლელი პუნქტები ვალდებულნი არიან გაცვლის ოპერაციის განხორციელებიდან 30 წუთის განმავლობაში, მომხმარებლის მოთხოვნით და ვალუტის გაცვლის დამადასტურებელი ქვითრის წარდგენის საფუძველზე, გააუქმოს აღნიშნული ოპერაცია და დააბრუნოს გაცვლილი თანხა.

ეროვნულმა ბანკში ცვლილებებს   მომხმარებელთა ინტერესების მაქსიმალურად დაცვის მიზნით ხსნიან. 

გარდა ამისა, ახალი წესით მკაცრდება სარეგისტრაციო მოთხოვნები შესაფერისობის კრიტერიუმებისა და საოპერაციო ფართის მოწყობის კუთხით.

ამ წესის გამოქვეყნებამდე რეგისტრირებულ ვალუტის გადამცვლელ პუნქტებს საქმიანობის ახალ მოთხოვნებთან შესაბამისობაში მოსაყვანად ვადა 2019 წლის პირველ იანვრამდე მიეცათ. რაც შეეხება მიმდინარე წლის 28 თებერვლიდან დარეგისტრირებულ გადამცვლელ პუნქტებს, მათ საქმიანობა ახალი წესების სრული დაცვით უნდა განახორციელონ.