თბილისი (GBC) - დეპუტატ რეზო არველაძეს სავალო ფასიან ქაღალდებში 207 000 დოლარი აქვს დაბანდებული.

ენერგეტიკოსმა კანონმდებელმა 2017 წელს მ/ო „რიკოს“ თამასუქებში 127 000 დოლარი ჩადო, ერთი წლით ადრე კი, ლიბერთი ბანკის 1 ობლიგაციაც იყიდა, რომლის ნომინალური ღირებულება 80 000 დოლარია.

დეპუტატის დეკლარაციიდან ისიც ირკვევა, რომ 2017 წელს საქართველოს პარლამენტის წევრობისთვის 61 665 ლარის ანაზღაურება მიიღო, ასევე მნიშვნველოვანი საპროცენტო შემოსავალიც ჰქონდა- დაახლოებით 30 000 დოლარი და 1700 ლარი.

2017 წელს არველაძის აქტივებს უძრავი ქონება არ შემატებია. 2016 წელს ოჯახმა (შვილთან ერთად)  275 000 დოლარად თბილისში ბინა და არასაცხოვრებელი ფართი შეიძინა. გარდა ამისა, ოჯახის უძრავი ქონება მოიცავს სახლს ახმეტაში და რამდენიმე მიწის ნაკვეთს.