თბილისი (GBC) - აჭარა შიდა ტურისტებისთვის ერთ-ერთი ყველაზე მონახულებადი რეგიონია.

"საქსტატის" მონაცემებით, 2017 წელს, აჭარაში, ვიზიტების რაოდენობამ 136.1 ათასი შეადგინა, რაც ჯამური ვიზიტების 12.9%-ია. ამ მაჩვენებლით ავტონომიური რესპუბლიკა TOP-3-ია, თბილისის და იმერეთის შემდეგ.

აღსანიშნავია, რომ მნიშვნელოვანია ზრდა წლიურ ჭრილში. 2016 წელს რეგიონს 100.5 ათასი შიდა ვიზიტორი სტუმრობდა, მთლიანი ვიზიტორების 11.5%.

შიდა ვიზიტები კი,  2017 წელს 87.5 ათასმა აჭარელმა განახორციელა. მთლიანი ვიზიტორების 10.1%-მა.

2017 წელს საქართველოში განხორციელებული ვიზიტების საშუალო თვიური რაოდენობა 1.053 მილიონი იყო.

აღსანიშნავია, რომ ვიზიტებით ძალიან კმაყოფილია გამოკითხულთა 33,3%, კმაყოფილი კი, 49.5%. არც კმაყოფილი და არც უკმაყოფილო 14.3%. ძალიან უკმაყოფილოები კი, გამოკითხულთა 0.4% შეადგენენ.