თბილისი (GBC) - საკომუნიკაციო ბაზარზე უმსხვილესი გარიგება დასრულდა, - სილქნეტს და ჯეოსელს  შორის გასულ კვირას გაფორმებული ხელშეკრულების შესახებ მხარეებმა  პრესკონფერენციაზე განაცხადეს. 

"შევედით ძალიან კონკურენტუნარიან გარემოში და ის ტრენდი, რომელიც მსოფლიოში გამოკვეთა - ფიქსირებული და მობილური ოპერატორების გაერთიანება,  საქართველოში გაგრძელდა და ასე იქნება მომავალშიც", - აღინიშნა პრესკონფერენციაზე.  

კომპანიაში ამბობენ, რომ იწყება  ძალიან რთული პროცესი, ორი ავტორიტეტული კომპანიის გაერთიანების. 

პრესკონფერენციაზე  აღინიშნა, რომ  მომდევნო 5 წლის განმავლობაში,  500 მილიონ ლარამდე ინვესტიციის განხორციელება იგეგმება, რითაც აბონენტებისთვის უფრო კომფორტული გარემოს შექმნა და უფრო ხარისხიანი მომსახურების მიწოდება მოხდება.