თბილისი (GBC) – პროკრედიტ ბანკი  მომხმარებელს  ამშვიდებს და სიფრთხილისკენ მოუწოდებს, სხვადასხვა ელ. ფოსტის მისამართზე ბანკის სახელით  დაფიქსირებული წერილების გამო, ე.წ ფიშინგზე.

წერილი მომხმარებელს რჩევას აძლევს, რომ  ანგარიში განახლება/გადამოწმებას საჭიროებს,  ელექტრონულ ფოსტაში მოცემული ბმულის საშუალებით, რომელიც ყალბ ვებ–გვერდზე გადადის. ნებისმიერი ინფორმაცია,  მითითების შემთხვევაში  ხელმისაწვდომი ხდება თაღლითებისათვის.

“გაცნობებთ, რომ “პროკრედიტ ბანკს” მოცემული შინაარსის შეტყობინება არ გაუგზავნია თქვენს ელ. ფოსტის მისამართზე. ასევე, “პროკრედიტ ბანკი” არასდროს მოითხოვს თქვენგან ელექტრონულ ფოსტაში ბმულზე დაწკაპუნებით ან ვებ–გვერდზე გადასვლის საშუალებით თქვენი პაროლის ან სხვა კონფიდენციალური ინფორმაციის გამჟღავნებას“, - აცხადებს ბანკი.

მენეჯმენტი მომხმარებელს  მსგავს შემთხვევაში  დაუყოვნებლივ დაკავშირებას სთხოვს, ტელეფონზე  (032) 2202222 , ან  ელექტრონულ მეილზე:  infosec@procreditbank.ge