თბილისი (GBC) - ვახტანგ ბუცხრიკიძემ და გიორგი შაგიძემ თიბისი ბანკის სამეთვალყურეო საბჭო დატოვეს.

მიზეზი ეროვნული ბანკის ახალი რეგულაციაა, რომლის მიხედვით, 2018 წლის 1 ივნისიდან სამეთვალყურეო საბჭოს წევრს აღარ აქვს შესაძლებლობა იმავდროულად შეასრულოს აღმასრულებელი მენეჯმენტის ფუნქციები.

ამ ცვლილების შემდეგ, თიბისი ბანკის სამეთვალყურეო საბჭოში რჩებიან: მამუკა ხაზარაძე, რომელიც საბჭოს თავმჯდომარეა, მისი მოადგილე ბადრი ჯაფარიძე და წევრები: ნოკოლას ჰააგი, ნიკა ენუქიძე, სტეფან ვილკე, სტეფანო მარსალია და ერიკ რაჯენდრა.

ვახტანგ ბუცხრიკიძე რჩება ბანკის გენერალურ დირექტორად, გიორგი შაგიძე კი, მის მოადგილედ.

ამგვარი ცვლილები სხვა ბანკებშიც მოსალოდნელია, მათ შორის მსხვილებში, მაგალითად, ვითიბი ბანკში, ბანკის გენერალური დირექტორი არჩილ კონცელიძე სამეთვალყურეო საბჭოს წევრიც არის, ასევე ბაზისბანკში, სადაც ორივე ორგანოშია წარმოდგენილი დავით ცაავა. ცვლილებები შეეხება ლიბერთის, სადაც მმართველობითი ორგანოს ერთ-ერთ პოსტს უნდა შეელიოს გიორგი კალანდარიშვილი.