თბილისი (GBC) -  გზების დეპარტამენტი უარყოფს ინფორმაციას, რომ  აზერბაიჯანულმა კომპანიამ Akkord   საავტომობილო გზების დეპარტამენტის მიერ გამოცხადებულ 59.5 მილიონის ღირებულების 2 კონტრაქტში გაიმარჯვა. 

"სამტრედია-გრიგოლეთის 11 კმ-იანი გზის მშენებლობისა და მოლითი-ჩუმათელეთის 26 კმ-იანი გზის რეკონსტრუქციის სატენდერო პროცედურები არ დასრულებულა. ამ ეტაპზე მიმდინარეობს ტენდერში მონაწილე კომპანიების შერჩევა-შეფასება, შესაბამისად გამარჯვებული-კომპანია ჯერ არ გამოვლენილა.

საავტომობილო გზების დეპარტამენტი მოუწოდებს ტენდერში მონაწილე ყველა კომპანიას, დაიცვან ტენდერის ჩატარების წესები და პრინციპები და თავი შეიკავონ მცდარი ინფორმაციის გავრცელებისგან", - ნათქვამია უწყების განცხადებაში. 

 Akkord   -მა 24 აპრილს გაავრცელა ინფორმაცია საქართველოში 2 კონტრაქტის მოპოვებაზე.