თბილისი (GBC) - ევროპის  რეკონსტრუქციისა და განვითარების ბანკმა (EBRD) საქართველოს ეკონომიკის ზრდის პროგნოზი უცვლელად შეინარჩუნა. 

2018 და 2019 წლებში EBRD საქართველოში 4.5-4.5%-იან ზრდას ელის . 

ახალ ანგარიშში (.pdf) ევრობანკმა  საქართველოს ეკონომიკაში არსებულ დადებით იმპულსებზე აღნიშნა, განაცხადა, რომ 2017 წელს საქართველოს ეკონომიკას ძლიერი ბიძგი ჰქონდა და 2016 წელს არსებული 2.8%-იანი ზრდიდან მშპ-ს ზრდა 5%-მდე დაჩქარდა. 

ანგარიშში მითითებულია, რომ დადებითი ტრენდის მთავარი განმაპირობებელი საგარეო სექტორის დადებითი ტენდენციებია.  გაანალიზებულია მაკროეკონომიკური მაჩვენებლებიც და აღნიშნული, რომ ინფლაციის დონეც შემცირდა 6%-დან 2.8%-მდე, რაც საქართველოს ეროვნული ბანკის სამიზნე მაჩვენებელს  (3%) შეესაბამება.

რაც შეეხება ჩვენ მეზობლებს: სომხეთში წელს 3.5%-იანი ზრდაა ნავარაუდევი, აზერბაიჯანში 2.5% (+0.5), ბელარუსში 3%-მდეა გაუმჯობესებული მაჩვენებელი (+1), მოლდოვაში ზრდა  3.5% იქნება, უკრაინაში - 3%. რუსეთისთვის პროგნოზი გაუარესდა 0.2 პ.პ-ით 1.5%-მდე. თურქეთში 0.9 პ.პ გაუმჯობესებით  4.4 %-იანი ზრდაა ნავარაუდევი.