თბილისი (GBC) -  „სილქ როუდ ბანკი“ საწესდებო კაპიტალს ზრდის.

კაპიტალის გაზრდის გადაწყვეტილება აქციონერებმა 20 ივნისის კრებაზე უნდა მიიღონ და ივნისის ბოლომდე ინექციაც უნდა განახორციელონ.

მარეგულირებლის მოთხოვნით, 2018 წლის 1 ივლისისთვის საქართველოში მოქმედი ყველა ბანკის საზედამხედველო კაპიტალი 40 მლნ ლარს უნდა შეადგენდეს. „სილქ როუდ ბანკს“ კი, ამ ნიშნულის მისაღწევად დაახლოებით 10 მლნ ლარის მობილიზება სჭირდება.

აღსანიშნავია, რომ  1 მაისის მდგომარეობით, ბანკს 52.7 მლნ-ის აქტივები აქვს (Q1.2018 – 53.6 მლნ). 9.9 მლნ-ის საკრედიტო  და 15.6 მლნ -ის დეპოზიტების პორტფელი,  სადაც ვადიანი ანაბრების წილი მიზერულია, 14%-ს არ აღემატება.

2018 წლის პირველი 4 თვე ბანკმა 269 000 ლარის ზარალით დაასრულა.