თბილისი (GBC) - თბილისის მერია დავით აღმაშენებლის გამზირსა და მარჯანიშვილის მოედანზე გამწვანების სამუშაოებს ჩაატარებს. 

ადგილზე მინდვრის ნეკერჩხლები (Acer campestre) დაირგვება, რომლებმაც ამ ტერიტორიაზე 2011 წელს,  რეაბილიტაციის შემდეგ დარგულ კატალპას ჩაანაცვლებს. 

ამ მიზნით მერიამ 286 838 ათას ლარიანი ტენდერი გამოაცხადა. გამარჯვებულმა მცენარეები უნდა დარგოს და 2019 წლის 31 ოქტომბრის ჩათვლით უნდა მოუაროს კიდეც. 

როგორც ცოტა ხნის წინ გახდა ცნობილი აღმაშენებლის გამზირზე არსებული ჯუჯა ხეების ნაწილი დაზიანებულია და გამოცვლას საჭიროებს. 

ტენდერში წინადადებების მიღება 30 მაისს სრულდება.