თბილისი (GBC) - ვითიბი პრობლემური მსესხებლების  დახმარების  პირველ შედეგებს იმკობს.  

ბანკის საცალო ბიზნესის დირექტორის  ვალერიან გაბუნიას განცხადებით,  დავალიანების დისკონტით (30-90%)  დაფარვის შეთავაზებით   ბევრმა მსესხებელმა უკვე ისარგებლა,  ძალიან მაღალი აქტივობა  აღინიშნა.

ბანკის სოციალური პასუხისმგებლობის პროექტის ფარგლებში, პრობლემურ მსესხებელს, 12,000-მდე ფიზიკურ პირს დავალიანების ანულირების  და საკრედიტო ისტორიის  გაუმჯობესების საშუალება მიეცა.

2-თვიანი აქცია 15 ივნისს სრულდება. სამომხმარებლო სესხზე  ვადაგადაცილების ჯარიმა/საურავები არ მოითხოვება.

12 000,  23 000 - კლიენტიან ბაზაში ის კატეგორიაა,  რომელსაც მხოლოდ  2-წლიანი ნეგატიური ისტორია აქვს.  სესხის დაფარვის შემდეგ მომხმარებელი  ყოფილი ნეგატიურის კატეგორიაში ინაცვლებს, რაც  ნიშნავს, რომ სესხი მისთვის კვლავ ხელმისაწვდომი ხდება.