თბილისი (GBC) –  ივნისში, საქართველოდან ელექტროენერგიის ექსპორტის საშუალო ფასი კვტ.სთ-ზე 3.2 აშშ ცენტი იყო.

ამასთან, ძირითად საექსპორტო ბაზარზე, თურქეთში საშუალო საბაზრო ფასი წლიურად 5.8%-ით შემცირდა წინა წლის საკმაოდ დაბალი ბაზიდან (-17.0% წ/წ) და კვტ.სთ-ზე 4.1 აშშ ცენტი შეადგინა.

აღსანიშნავია, რომ თურქეთის საშუალო საბაზრო ფასი 1.1 აშშ ცენტით (21.6%-ით) ჩამორჩება საქართველოში ელექტროენერგიის საბალანსო ფასს.

G&T -ის ცნობით, 2018 წლის ივნისში, ელექტროენერგიის ექსპორტი წლიურად 15.4%-ით შემცირდა, თუმცა 2018 წლის პირველი ნახევარში ექსპორტი 5.8%-ით არის გაზრდილი. ამასთან, 2018 წლის ივნისში ექსპორტმა ქსელში მიწოდებული ენერგიის 16.0% შეადგინა.

 ივნისში ექსპორტი ძირითადად განხორციელდა თურქეთის მიმართულებით (მთლიანი ექსპორტის 78.6%), ხოლო დანარჩენი - რუსეთის (მთლიანი ექსპორტის 15.1%), სომხეთის (მთლიანი ექსპორტის 4.3%) და აზერბაიჯანის (მთლიანი ექსპორტის 2.1%) მიმართულებით გადანაწილდა.

ამასთან, თურქეთში ექსპორტირებული ელექტროენერგიის უდიდესი ნაწილი (76.2%) 2018 წლის ოქტომბერ-დეკემბერის პერიოდში ესკოს მიერ განსახორციელებელი ელექტროენერგიის იმპორტის ბარტერს მოხმარდება.