თბილისი (GBC) -  24 სექტემბერს, ეროვნული ბანკი ფინანსური სტაბილურობის კომიტეტის სხდომას მართავს.

ამ სხდომაზე სებ-ი ფინანსური სტაბილურობის რისკებს შეაფასებს, მიღებულ გადაწყვეტილებებს კი, სებ-ის პრეზიდენტი ბრიფინგზე გააჟღერებს. 

14 ივნისის სხდომაზე საქართველოს ეროვნული ბანკის ფინანსური სტაბილურობის კომიტეტმა  კონტრციკლური ბუფერის უცვლელად, 0%-ზე დატოვა.

კომიტეტის აღნიშნავდა, რომ მიმდინარე პერიოდში ჯამური დაკრედიტების ზრდა შესაბამისობაშია მთლიანი შიდა პროდუქტის (მშპ) ზრდასთან. 2018 წლის პირველ კვარტალში რეალური მთლიანი შიდა პროდუქტის წლიური ზრდა მოსალოდნელზე მაღალი იყო (5.2%), ამასთან, მიუთითა, რომ "მნიშვნელოვანია, რომ საკრედიტო ზრდა იყოს ეკონომიკური აქტივობის თანაზომიერი და სესხების ზრდა ხელს უწყობდეს ეკონომიკის მდგრად ზრდასა და მოსახლეობის კეთილდღეობას ისე, რომ არ დაგროვდეს ფინანსური სტაბილურობის ჭარბი რისკები".