თბილისი (GBC) - ლიბერთი  ბანკი პოტენციურ კლინტს  (40+) დაგროვებითი  პენსიის პირობებს აცნობს:

▪ რას ნიშნავს დაგროვებითი პენსია:

საპენსიო ფონდში დაგროვებითი პრინციპით მოგროვებულ თანხას მოქალაქეები, საპენსიო ასაკის შემდეგ, საბაზისო პენსიასთან (დღესდღეობით 180 ლარი) ერთად მიიღებენ.

▪ როგორ გროვდება თანხა:

ყოველთვიურად, დასაქმებულის მთლიანი ხელფასის 6% იზოგება შემდეგი პრინციპით - 2% ინახება დასაქმებულის ხელფასიდან, 2%-ს იხდის დამსაქმებელი, ხოლო 2%-ს -  სახელმწიფო.

▪ ვისთვის არის პროგრამა:

დაგროვებითი პენსიის სქემაში ჩართვა სავალდებულოა 40 წლამდე ყველა დასაქმებული პირისთვის (დასაქმებულის სტატუსი გენიჭებათ: ხელშეკრულებით, სერვის კონტრაქტით, შრომითი კანონმდებლობით დარეგულირებული ნებისმიერი ურთიერთობისას).

დაგროვებითი პენსიის სქემაში ჩართვა არ არის სავალდებულო 40+ პირებისთვის და თვითდასაქმებულებისთვის (თვითდასაქმებულად ითვლებით: სახელოვნებო, სამეცნიერო, სამედიცინო, არქიტექტურული, საადვოკატო, სანოტარო, საკონსულტაციო, სასოფლო-სამეურნეო, სატყეო-სამეურნეო საქმიანობების შემთხვევაში)