თბილისი (GBC) - „ძალიან მნიშვნელოვანია როცა ასეთი ტიპის ორგანიზაცია ქართულ კომპანიებს ზოგადად აფასებს და ეს შეფასება პოზიტიურია , - ასე ეხმაურება ექსპერტი ეკონომიკის საკითხებში დავით კიკვიძე Fitch Ratings-ის მიერ "საქართველოს რკინიგზის" რეიტინგის პროგნოზის გაზრდას.

კიკვიძე მიიჩნევს, რომ Fitch-ის შეფასება მნიშვნელოვანია როგორც  ქვეყნისთვის,  სტატუსის აღიარების თვალსაზრისით, ასევე თვითონ კომპანიისთვის.

"უახლოესი ორი-სამი წლის საპროგნოზო მაჩვენებლის გაუმჯობესება უფრო მეტი ინვესტორის მოზიდვის შესაძლებლობას ნიშნავს, რაც როგორც ქვეყნისთვის ასევე თავად „საქართველოს რკინიგზის“ განვითარებისთვის მნიშვნელოვანი საწინდარია,“ - აცხადებს ექსპერტი. 

 Fitch Ratings-მა „საქართველოს რკინიგზის“ სარეიტინგო მაჩვენებელი “B+” დონით განსაზღვრა, პროგნოზი სტაბილურიდან პოზიტიურადმდე გაიზარდა, რაც გამოწვეული იყო რამდენიმე ხნის წინ საქართველოს სუვერენული რეიტინგის პროგნოზის ზრდით.