თბილისი (GBC) -  ყველა დიდ პროექტს, პატრიარქს ვალოცინებ ხოლმე,  - ბიზნესმენი მამუკა ხაზარაძე დარწმუნებულია, რომ ანაკლიის პორტის პროექტი წარმატებული იქნება.

საპატრიარქოს ტელევიზიასთან საუბრისას, მამუკა ხაზარაძემ ქვეყნისა და რეგიონისთვის პროექტის სტრატეგიულობაზე განაცხადა. მისი თქმით, პორტის მშენებლობა აქტიურ ფაზაშია და ღრმაწყლოვანი ნავსადგური პირველი გემების მიღებას 2 წელიწადში შეძლებს.

„ყველა დიდ პროექტს, რომელიც ჩემს გუნდთან ერთად დამიწყია, პატრიარქს ასე ვთქვათ, ვალოცინებ,  ვთხოვ, რომ აკურთხოს და ანაკლიაც არ არის გამონაკლის. მახსენდება ბორჯომის პროექტი, ლისის განვითარების პროექტი და დარწმუნებული ვარ,  ასევე წარმატებული იქნება ჩვენი ქვეყნისთვის, - განაცხადა ხაზარაძემ და აღნიშნა, რომ ყველაფერს გააკეთებენ  მსოფლიო სტანდარტების შედეგის მისაღწევად.

მამუკა ხაზარაძე, ტელევიზიასთან  "საუკუნის სახელების" დაჯილდოებისა და @tThe New York Times-ის სპეციალური პრიზის შესახებაც ისაუბრა.