თბილისი (GBC) - საქართველოს ბანკის სამეთვალყურეო საბჭოს თავმჯდომარე  ბანკის გენერალურ დირექტორს მიღწეული წარმატებებისთვის მადლობას უხდის, - „მან დიდი წვლილი შეიტანა საქართველოს ბანკის განვითარებაში და მის წარმატებულ ფინანსურ ინსტიტუტად ჩამოყალიბებაში”.

ნილ ჯანინი ამბობს, რომ  სწორედ კახა კიკნაველიძემ შეძლო  BGEO-ს გაყოფის შემდეგ ბანკის მაღალ ფინანსურ მაჩვენებლებზე გაყვანა და დაკრედიტების ზრდა და აღნიშნავს, რომ ქვეყნის ერთ-ერთი უმსხვილესი ბანკისთვის ბიზნესის გავითარების ახალი ეტაპი იწყება.

 „ყველაზე მსხვილ საინვესტიციო კომპანიასთან BGEO-სთან საქართველოს ბანკის წარმატებით დასრულებული გაყოფის შემდეგ კახა კიკნაველიძემ შეძლო, საქართველოს ბანკს მიეღწია მისი ძირითადი მიზნებისათვის. ეს არის მაღალი ფინანსური მაჩვენებლები და დაკრედიტების ზრდა, მნიშვნელოვანი კორპორაციული თუ ნორმატიული ცვლილებების ფონზე. საქართველოს ბანკის სამეთავლყურეო საბჭომ კახა კიკნაველიძესთან ერთობლივი განხილვის შედეგად მიიღო გადაწყვეტილება, რომლის მიხედვითაც სწორედ ახლა არის სწორი დრო, რათა არჩეული იქნას ახალი გენერალური დირექტორი, ბიზნესის ახალ საფეხურზე ასაყვანად. სამომავლოდ ეს ხელს შეუწყობს ბანკის შემდგომ ზრდას და მომგებიანობის შენარჩუნებას“, - განაცხადა ნილ ჯანინმა, საქართველოს ბანკის სამეთვალყურეო საბჭოს თავმჯდომარემ.

ნილ ჯანინი აღნიშნავს, რომ კახა კიკნაველიძე რჩება გუნდში და შეასრულებს გენერალური დირექტორის მოვალეობას, ახალი გენერალური დირექტორის დანიშვნამდე.

საქართველოს ბანკის ცნობით, კახა კიკნაველიძე 2019 წლის პირველ კვარტალში თავის პოსტს დატოვებს.