თბილისი (GBC) - ქართულ ბაზარზე ლუდის ორი მსხვილი კომპანია ერთიანდება. 

Marketer.ge -ს  ინფორმაციით, „აისის“ მწარმოებელი "გლობალ ბიერ ჯორჯია" (საქართველოს კაპიტალი) კომპანია  „ყაზბეგს“ ყიდულობს.

აღნიშნულზე, „აისის“ წარმომადგენლები, ჯერჯერობით, კომენტარს არ აკეთებენ.

ლუდს „აისი“, კავკასიაში Heineken-ის ლიცენზირებული პარტნიორი კომპანია Global Beer Georgia 2017 წლის ზაფხულიდან აწარმოებს.

კომპანია „ყაზბეგი“ ბიზნესმენ გოგი თოფაძეს ეკუთვნის. ის  1994 წელს შეიქმნა და 1995 წელს პირველი ქართული ლუდი „ანანური“ გამოუშვა.