თბილისი (GBC) - საქმიანი და სამედიცინო  ტურიზმი საქართველოში ერთ-ერთი მთავარი მიმართულება უნდა გახდეს.

პრემიერის თქმით, ტურიზმის ამ დარგების განვითარებისთვის საქართველოს ყველა რესურსი გააჩნია.

„საქმიანი ტურიზმის სექტორი ორიენტირებულია მაღალმხარჯველუნარიანი ტურისტების მოზიდვაზე, ამასთან ერთად, იგი ხელს უწყობს სხვადასხვა დარგის განვითარებას და ადგილობრივ დონეზე საერთაშორისო გამოცდილების გადმოტანას, ცოდნის გაზიარებას და საუკეთესო პრაქტიკის დანერგვას, რაც პრინციპულად მნიშვნელოვანია ჩვენი ქვეყნის პოზიციონირებისთვის“, - განაცხადა მამუკა ბახტაძემ.

მისი თქმით,   საქართველოს აქვს დიდი მომავალი სამედიცინო და გამაჯანსაღებელი  ტურიზმის მიმართულებით.

„საინტერესოა, რომ საქართველოში გვაქვს 180-ზე მეტი ადგილი, რომლის ათვისება და განვითარება დამატებით ტურისტულ ნაკადს შესძენს ჩვენს ქვეყანას.  ასევე, დაგეგმილი გვაქვს, განვავითაროთ შეხვედრების ინდუსტრია, რომელიც ერთ-ერთი საუკეთესო გზაა იმისათვის, რომ საქართველომ, სხვადასხვა დარგის პროფესიონალების მეშვეობით, საერთაშორისო დონეზე წარმოაჩინოს საკუთარი მიღწევები და გაუზიაროს მსოფლიოს მნიშვნელოვანი პრაქტიკა, რომელიც დღეს ინერგება ქვეყანაში“, - აღნიშნა ბახტაძემ.