თბილისი (GBC) - გრიპის საწინააღმდეგო მედიკამენტი „ტამიფლუ“ 4 ოთხ სააფთიაქო ქსელს გადაეცა. 

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ცნობით, სააფთიაქო ქსელებმა 800 კოლოფი წამალი მიიღეს. 

სამინისტრომ  „ტამიფლუ“ თავისი მარაგიდან გასცა, მას შემდეგ, რაც გრიპის შემთხვევები შემცირდება, კომპანიებს უწყებისთვის პრეპარატის უკან დაბრუნების ვალდებულება ექნებათ.

ჯანდაცვის სამინისტრომ გააფართოვა იმ პირების ჩამონათვალი, ვინც ანტივირუსულ პრეპარატ „ტამიფლუს“ უფასოდ მიიღებს. ასეთი პირები არიან ბავშვები, ორსულები, ასაკით პენსიონერები და სოციალურად დაუცველები.