თბილისი (GBC) - "დელტას” წარმოებული  სამხედრო პროდუქცია ნატოს ერთ-ერთმა ყველაზე გავლენიანმა წევრმა ქვეყანამ შეიძინა, - წერს გაზეთი  "კვირის პალიტრა". 

გამოცემის ცნობით, გარიგება 2018 წელს შედგა. საუბარია 120 მმ-იანი ბუქსირებადი ნაღმსატყორცნებზე. 

"ნატოს წევრ ქვეყანას, რომელმაც “დელტასგან” რამდენიმე ათეული 120 მმ-იანი ნაღმსატყორცნი შეიძინა (გაყიდული ნაღმსატყორცნების რაოდენობას, ფასსა და მყიდველ ქვეყანას ჯერჯერობით ისევ არ გავამხელთ), ისეთი სამხედრო-სამრეწველო კომპლექსი აქვს, ნაღმსატყორცნებს კი არა, კოსმოსურ ხომალდებს ამზადებს, მაგრამ ქართული წარმოების იარაღის ამ სახეობამ მაინც დააინტერესა", - წერს "კვირის პალიტრა" და აღნიშნავს, რომ მხოლოდ ამ  ნაღმსატყორცნებით არის შესაძლებელი როგორც  "საბჭოთა" წარმოების ნაღმების, ასევე ამერიკული ნაღმების გატყორცნა. 

ეს გარემოება 120 მმ-იან ნაღმსატყორცნს თითქმის უნივერსალურ იარაღად აქცევს, რაც მის ერთ-ერთ მწარმოებელ ქართულ “დელტას” საერთაშორისო ბაზარზე ექსპორტის კარგ შანსს აძლევს.