თბილისი (GBC) –   ფიზიკური პირების შემდეგ განსაცდელი ბიზნესსაც დაუდგა. სავალუტო სესხი 200 000 ლარამდე 23 იანვრიდან ეზღუდება.

ამას ემატება ლიზინგის რეგულაციაში მოქცევაც. ავტოდილერების  წინასაახალწლო სიხარული  ნაადრევი  აღმოჩნდა- „აღარავინ იცინის, რადგან ბოლო მომცინარი აღარ ჩანს“.

უმაღლესმა საკანონმდებლო ორგანომ  სალიზინგო კომპანიების  რეგულირებაც  სებ-ს მიანდო.  ჯერ მხოლოდ სავალუტო   შეზღუდვა ამოქმედდება  200 000 ლარამდე და 50%  ზღვრული განაკვეთი, რომელიც  საბანკო და მიკროსაფინანსო სექტორისთვის რახანია მოქმედებს.

საბანკო ასოციაციის  პრეზიდენტი  ალექსანდრე ძნელაძე ახალი რეგულაციების  დარტყმით ეფექტზე აღნიშნავს.  გამონაკლისი  სამი ქვეყნის მაგალითი მოჰყავს. აღმოსავლეთ ევროპის 2-3 ქვეყნის გარდა ვს. არსად არ არის  სამომხმარებლო სესხები (არაუზრუნველყოფილი) რეგულირებული.  თუმცა, ცვლილებების შეტანა ყველგან  დროში იყო გაჭიანურებული. ამასთან, ცენტრალურ ბანკთან ერთად რამდენიმე უწყებაც მონაწილეობდა, მათ შორის უზენაესი სასამართლო, რეგულაციების სამართლიანობის შესაფასებლად.

ტექნიკის მაღაზიები იანვრის სავალალო სტატისტიკაზე აღნიშნავენ, განვადების განახევრებაზე. იანვრიდან  განვადების მსურველი პოტენციური მყიდველიდან სესხი მხოლოდ ნახევარს უმტკიცდება.

ალექსანდრე ძნელაძეს  ეფექტის სრული შეფასებისთვის იანვრის სტატისტიკა  არასაკმარისად მიაჩნია, რადგან სეზონური და მოსწრების ეფექტიც მოქმედებს. რეგულაციების დაანონსებამ პროცესი  დააჩქარა. იანვრის მსესხებელმა კრედიტი ვადამდე, დეკემბერში აიღო.