თბილისი (GBC) - სასტუმროების  ქართული ბრენდი ROOMS -ი მალე შესაძლოა, ნიუ-იორკშიც  ვიხილოთ. 

"აჭარა ჯგუფის” მმართველი დირექტორის განცხადებით, ერთ-ერთ ჯგუფს სურს  “ROOMS”-ის ბრენდით ნიუ-იორკში  სასტუმროს გახსნა. 

"ამასთან დაკავშირებით მოლაპარაკებები მიმდინარეობს, დაწყებით ეტაპზეა, მაგრამ ძალიან საინტერესო და მნიშვნელოვანია", - განაცხადა  ლევან  ბერულავამ TV პირველზე, "საქმიან დილაში". 

მისი თქმით, საუბარია არა ფრენჩაიზინგზე, არამედ სასტუმროს  თანამფლობელობაზე.  ასევე აღნიშნა, რომ "აჭარა ჯგუფის" ბრენდ  ROOMS-ის მიმართ  დაინტერესება სხვა ქვეყნებიდანაც მაღალია.