თბილისი (GBC) - თიბისიში წილების დათმობაზე მამუკა ხაზარაძესთან საუბარი არ მქონია, - ასე პასუხობს შინაგან საქმეთა მინისტრი ოპოზიციის ბრალდებას.

გიორგი გახარია ამბობს, როგორც შს მინისტრს,  არ შეუძლია მარეგულირებლის მიერ მიღებულ  გადაწყვეტილებაზე კომენტარის გაკეთება.

„თუ მეკითხებით როგორც ყოფილ ბიზნესომბუდსმენს, გიპასუხებთ, რომ თიბისი არის სისტემური ბანკი ქვეყნისთვის და დარწმუნებული ვარ ეს ყველაზე კარგად ესმის ეროვნულ ბანკს. არ არსებობს დღეს ქვეყანაში ინსტიტუცია, რომელსაც უკეთესად ესმოდეს ბაზრისთვის თიბისი ბანკის მნიშვნელობა, ვიდრე მარეგულირებელს, ამიტომ აქ ვერანაერი კითხვის ნიშნები ვერ იქნება, მით უმეტეს ჩემი მხრიდან. აქ ჩემი კომენტარები, მაშინ როდესაც მარეგულირებელი თავის მანდატშია შესული, უადგილო და ზედმეტია“, - განაცხადა გიორგი გახარიამ ჟურნალისტებთან საუბრისას.