თბილისი (GBC) - საქართველოს მთავრობა რუსული გაზის შესყიდვას მხოლოდ იმ მოცულობით გეგმავს, რაც ქვეყნის ენერგოუსაფრთხოებისა და ენერგოდამოუკიდებლობას საფრთხეს არ შექმნის, - ირწმუნება ეკონომიკის მინისტრი.

გიორგი ქობულიამ „გაზპრომთან“ მიმდინარე მოლაპარაკებებზე „იმედი LIVE“-ის პირდაპირ ეთერში ისაუბრა, აღნიშნა, რომ ამჟამად რუსულ კომპანიათან 2 თემაზე მიმდინარეობს მოლაპარაკება. პირველი - რუსული გაზის ტრანზიტისთვის ანაზღაურების გაზრდა და მეორე არის საჭიროების შემთხვევაში გაზის დამატებითი მოცულობის მიღება რუსეთიდან, ბაზარის დივერსიფიცირების მიხნით.

 „იმისთვის, რომ არ იყოს მონოპოლიური მდგომარეობა და ერთადერთი მომწოდებელი აზერბაიჯანი არ იყოს.  შეიძლება იყოს იყოს აზერბაიჯანი და ამავდროულად, ცოტა გაზი ვიყიდოთ რუსეთისგან. ამისგან ჩვენი მოსახლეობა, ჩვენი კომპანიები, ჩვენი ბიზნესი მიიღებენ ძალიან დიდ სარგებელს, იმიტომ რომ გაჩნდება მინიმალური კონკურენცია და რა თქმა უნდა, ეს იმოქმედებს ფასებზე"- განაცხადა ქობულიამ.

რისკებზე საუბრისას, მინისტრმა აღნიშნა, რომ „გაზპრომისთვის“ საქართველო კომერციულად დიდ ინტერესს არ წარმოადგენს.

„მე დიდ რისკს ვერ ვხედავ იმაში, რომ ჩვენ რაღაცა განსაზღვრული რაოდენობის გაზი შემოვიტანოთ"-განაცხადა ქობულიამ.