თბილისი (GBC) - მამუკა ხაზარაძისთვის წერილი არ მიმიწერია. წერტილი! - შს მინისტრი „ტვ პირველთან“ ამბობს, რომ არ ყოფილიყო „ფეიკ წერილი“, გიორგი გახარიას სახელი „ამ თემაში არ იქნებოდა“.

„დაველოდები სადამდე შეიძლება მივიდეს გამოგონილი ისტორიების თემა და შემდგომ, რა თქმა უნდა, როგორც რიგითი მოქალაქე ამ ყველაფერზე გავცემ პასუხს“, - თქვა მინისტრმა, აღნიშნა, რომ ხაზარაძის მოტივი მისთვის გაუგებარია. 

გახარია ამბობს, რომ „დაელოდება კიდევ რას იკადრებენ, სადამდე განვითარდება ეს ისტორია". 

„ვამბობ აბსოლუტურად ერთმნიშვნელოვნად მე მამუკა ხაზარაძისთვის წერილი არ მიმიწერა და არ გამიგზავნია. მე ამ ისტორიასთან შეხებაც არ მქონია“, - განაცხადა გახარიამ.

შს მინისტრი ამბობს, რომ წერილით  აქცენტების გადატანა მოხდა შინაარსობრივი განხილვიდან "ფეიკ ნიუსზე", ეს მიზანი მიღწეულია. გახარია მზადაა ამ საქმეზე პროკურატურას პირველმა მისცეს ჩვენება.