თბილისი (GBC) - კახა კიკნაველიძემ „საქართველოს ბანკის ჯგუფის“ გენერალური დირექტორის პოსტი 3.13 მილიონი დოლარის ანაზღაურებით დატოვა.

საბანკო ჯგუფის წლიურ ანგარიშში მოცემულია, რომ ანაზღაურების უდიდესი წილი გადავადებულ აქციებს უჭირავს. ამ აქციების განაღდებას ბანკირი 4 წლიან ვადაში შეძლებს.

კახა კიკნაველიძე  (წლიური ანაზღაურება და  აქციების ფასი გამოსახულია აშშ დოლარში)

აღსანიშნავია, რომ კახა კიკნაველიძე პირველი CEO  იყო, ვინც ამ ჯგუფის  მხოლოდ საბანკო მიმართულებას კურირებდა. ამის გათვალისწინებით, მისი ჯამური ხელფასი (ფულადი ანაზღაურება/აქციები) მკვეთრად ნაკლებია ირაკლი გილაურის შემოსავალზე. 2017 წელს გილაურს ჯგუფმა (BGEO) 5 096 833 აშშ დოლარი გადაუხადა, წლიური ზრდა  +18.1% იყო.  

კახა კიკნაველიძემ „საქართველოს ბანკის“ გენერალური დირექტორის პოსტი 2019 წლის იანვარში დატოვა. სამეთვალყურეო საბჭომ, გარკვეული ფაქტორების გამორიცხვით, მისი საქმიანობა წარმატებულად შეაფასა და ჯილდოს სახით 68 000 აქცია გადასცა. 2018 წლის 31 დეკემბრის მდგომარეობით ბანკირი ჯამში 130 370 აქციას ფლობდა (ნაწილი გადავადებულია), რომლის დღევანდელი საბაზრო ღირებულება 2 მლნ ფუნტ სტერლინგს აღემატება.