თბილისი (GBC) – “თურქეთზე ლარის გაუფასურების გადაბრალება არის ან არკომპეტენტურობის, ან მთავრობის ღია თუ ფარული მხარდაჭერის ნიშანი”, -  ოპოზიციის ერთ-ერთი ლიდერი  რომან  გოცირიძეს ლარზე ლირის წნეხის ვერსიის  უასაფუძვლობის დასადასტურებლად 2017-2019 წლების იმპორტის სტატისტიკას იშველიებს 

მიმდინარე წლის პირველ კვარტალში 2018 წლის ანალოგიურ პერიოდთან შედარებით თურქეთიდან იმპორტი ფაქტობრივად იგივეა( გაიზარდა მხოლოდ 0,5 პროცენტით), ევროკავშირის ქვეყნებიდან პირიქით, შემცირდა 15 პროცენტით, ხოლო რუსეთიდან 8 პროცენტით. ეს იმას ნიშნავს, რომ მთავარ სავაჭრო პარტნიორ ქვეყნებში ვალუტის არანაირი გადინება არ შეინიშნება.
ისევ თურქეთს რომ დავუბრუნდეთ, ჯერ ტურისტული სეზონი არც კი დაწყებულა და ბუნებრივია, ჩვენი მოქალაქეების მხრიდან ამ მიმართულებით ვალუტის გატანაზეც საუბარი არასერიოზულია. 
ლარი უფასურდება მთავრობისა და ეროვნული ბანკის არასწორი პოლიტიკის შედეგად და მისი საგარეო ფაქტორებზე გადაბრალება აბსურდია, -წერს სოციალურ ქსელში სებ-ის ექსპრეზიდენტი.