თბილისი(GBC)-სურსათის სააგენტო ნარშავას ფრთაკუთხას (Vanessa cardui) პოპულაციის ზრდაზე იუწყება. რაც მოსახლეობისთვის თვალშისაცემი გახდა. ფეხსახსიანთა ტიპის პეპელა გადამფრენი მწერია.  მსოფლიოში ყველაზე მეტად გავრცელებული სახეობაა. ნარშავას ფრთაკუთხა  არ მიეკუთვნება სასოფლო-სამეურნეო კულტურების მავნებელს, მეტიც,  სასარგებლოა, დიდი რაოდენობით სარეველა ანადგურებს.

გადაზამთრებული პეპლის ფრენა მაისის მე-2, მე-3 დეკადიდან (მაღალი ტემპერატურის შემთხვევაში მაისის პირველი დეკადიდან). იწყება. საქართველოში წელიწადში 2-3 თაობას იძლევა. ბოლო თაობის იმაგოს ფრენა გრძელდება ოქტომბრამდე.ხშირად თაობა თაობას ფარავს. მისი ბუნებრივი მტრები არიან ობობები, ხოჭოები, ჭიანჭველა, მღრნელები.პეპლის ზომა გაშლილი ფრთებით 5-7 სმ-ია. ფრთები ზემოდან ღია აგურისფერ-მოწითალოა შავი ლაქებით.

იგი გვხვდება ყველგან - მდელოზე, ველზე, უდაბნოში, ბაღში განსაკურებით უყვარს დიდი გაშლილი, მზიანი სივრცეები.

ზაფხულის ბოლოს მილიონობით ნარშავას ფრთაკუთხა გეზს აფრიკის კონტინენტისკენ  იღებს. უმეტესწილად, ისინი 500 მ სიმაღლეზე მიფრინავს და დანახვა თითქმის შეუძლებელია. პეპლები ქარის სასურველი მიმართულებით დაბერვას ელოდებიან. ქარის დახმარებით 45 კმ/სთ სიჩქარეს ავითარებენ. ყოველწლიურად დაახლოებით 15 000 კმ-ს ფარავენ. გადაფრენა ჩრდილოეთ არქტიკის საზღვრებიდან იწყება  და დასავლეთ აფრიკაშიში სრულდება. ნარშავას ფრთაკუთხა გზადაგზა მრავლდება და მთელ ცხოვრებას ფრენაში ატარებს.

პეპელა ვერ უძლებს დაბალ ტემპერატურას და ადვილად იღუპება. მისი სასიცოცხლო ციკლი 2 თვეა.