თბილისი (GBC) –  “მე ოფციონებს ვიყიდდი“, -  საქართველოს ბანკის ტოპ მენეჯერი (წარსულში)  დავით წიკლაური მიიჩნევს, რომ  ბანკებისთვის  ოფციონების შესყიდვის საუკთესო დროა,  ₾/$ კურსი ყველაზე ხელსაყრელია, რადგან   ცხელი ზაფხულის პერიოდი მოდის, ვალუტის შემოდინების. ბანკირი  პროდუქტის სიიაფით მის მეტ მიმზიდველობაზეც აცხადებს. 

სებ-ს 30 აპრილიდან ბანკებისთვის ოფციონები აღარ შეუთავაზებია.  როგორც იცით ახალი ინსტრუმენტით ბანკების მიერ  ₾650 მლნ -ის ოფციონებია ნაყიდი და $51მლნ განაღდებული (თებერვლის შემდეგ არ გაუნაღდებიათ). მაღალმოთხოვნადი პროდუქტია და ბანკირების თქმით, ოფციონი ერთგვარი დაზღვევის ინსტრუმენტია. ბანკებისთვის იაფია და სებ-ისთვისაც მისაღები იყო, რადგან  სავალუტო აუქციონის ტარიფს არ აღემატება.

ოფციონების  განაღდების კურსი,  ბოლო 20 დღის საშუალო  საკურსო მაჩვენებელს არ უნდა აღემატებოდეს.

სებ-ის პრეზიდენტმა  ფსკ-ს შემდეგ განაცხადა, რომ წინა თვეებში თუ რეზერვების მოცულობა არაადექვატური იყო,  ამ დროისთვის მისაღებია, სსფ-ის შეფასების კრიტერიუმით განსაზღვული დერეფნის (100-150%) მინიმუმზეა. კობა გვენეტაძემ განცხადა, რომ ამის მიუხედავად რეზერვების შევსებაზე ზრუნვა გრძელდება