თბილისი (GBC) - მაისის წლიური ინფლაცია 4.7%-ია, რომლის 1.3% თამბაქოს აქციზის მატების წვლილია  და უნდა განეიტრალდეს. საბაზო ინფლაცია, რომელიც გამორიცხავს სურსათს, ენერგომატარებლებს და თამბაქოს, 1.1 %-ია.  

ინფლაცია, ერთჯერადი (ეგზოგენური) ფაქტორების ამოწურვის შემდგომ, მომავალი წლიდან შემცირდება მიზნობრივ დონემდე (3%). ერთობლივი მოთხოვნა კვლავ ჩამორჩება მის პოტენციურ დონეს, მათ შორის სესხებზე მოთხოვნა. აქედან ინფლაციური წნეხი კვლავ სუსტი რჩება.

წლის დასაწყისიდან სამომხმარებლო დაკრედიტება მცირდება და სავალუტო იპოთეკის ზრდა შენელდა.კონკურენტული გაცვლითი კურსი ხელს უწყობს 2019 წელს მიმდინარე ანგარიშის გაუმჯობესებას.

სებ-მა ბაზრის ტენდეციებზე მპკ-ზე იმსჯელა.  შემდეგი სხდომა 2019 წლის 24 ივლისს გაიმართება.