თბილისი (GBC) - თბილისის მერია მუშაობს სატრანსპორტო ერთიან გეგმაზე, რომელიც მოქალაქეებს შესაძლებლობას მისცემს ერთი ბილეთით იმგზავროს როგორც ავტობუსით, ასევე მიკროავტობუსით და მეტროთი.

ქალაქის მერი ამ ინტეგრაციას მნიშვნელოვანს უწოდებს.

ინტეგრირებულ საბილეთო სისტემის პრეზენტაციას მერია უახლოეს მომავალში გამართავს. „დედაქალაქში შემოვა უფრო დიდგაბარიტიანი, 18 და 24-მეტრიანი ავტობუსები. მათთვის შეიქმნება შესაბამისი საავტობუსო ზოლები, ინფრასტრუქტურა, რათა ამ ზომის ავტობუსებმა შეძლონ უპრობლემოდ და თავისუფლად გადაადგილება დედაქალაქის ქუჩებში“, - განაცხადა კახა კალაძემ.