თბილისი (GBC) – ბათუმის თიბისი გალერეა (ზუბალაშვილის N 37)  20 ივლისიდან გურამ წიბახაშვილის გამოფენას - „ზამთარი გადატანილია“ უმასპინძლებს. თიბისის ცნობითმ, ფოტოგრაფის ამავე სახელწოდების წიგნის შეძენა კი მსურველებს მაღაზიაში - „წიგნები ბათუმში“ შეეძლებათ.

წიგნი თიბისისა და  „ინდიგოს“ თანამშრომლობით, ნინო ლომაძის რედაქტორობით გამოიცა.

გამოფენის და წიგნის სათაურს ავტორი თავადვე ხსნის წიგნში მოთხრობილი 1990-იანი წლების ერთ-ერთი ისტორიით: „ტყუილი ქვეყანა იშლებოდა...უბრალოდ, არ გვეგონა, რომ ტკივილიც გადასატანი გვქონდა და თავიდან, მარტო გვიხაროდა...დავთვალოთ, რამდენი ვიქნებით შემოდგომაზე და მერე მარტში ვნახოთ, რამდენი დავრჩებითო. გამოფენასაც ასე დავარქვით“.

წიგნი და გამოფენა 1987-1995 წლების ვიზუალური და ტექსტუალური ფორმატებით გაცოცხლების, გააზრებისა საშუალებას იძლევა. ფილმი თიბისის ორგანიზებით სტუდიამ მოამზადა.

ფილში, ექსპოზიციის ნაწილია ამბებს გვიამბობენ: ლაშა ბაქრაძე, გოგი გვახარია, ლადო ბურდული, ილიკო ზაუტაშვილი, ოლეგ ტიმჩენკო, მანანა არაბული, ანა კორძაია-სამადაშვილი, თეო ხატიაშვილი, რობი კუხიანიძე.