თბილისი (GBC) - სებ-ში  მონეტარული პოლიტიკის კომიტეტის დასრულებისთანავე, ეროვნული ბანკის პრეზიდენტის, კობა გვენეტაძის პრესკონფერენცია გაიმართება (24/07 14:00 სთ)

BPI -კობა გვენეტაძე რეფინანსირების განახლებულ განაკვეთს გამოაცხადებს და ინფლაციის მაჩვენებლის მოსალოდნელ ტრენდეც იტყვის, ბოლოდროინდელმა მოველენებმა ინფლაციის მოსალოდნელზე მეტად ზრდის საფუძველი თუ შექმნა. თიბის პროგნოზით , 2-ნიშნამდე მატება არაა მოსალოდნელი..

ივნისში წლიური ინფლაცია 4.3%, მაისში 4.7% იყო, მნიშვნელოვანი წვლილი თამბაქოს აქციზის  მატების და  საერთაშორისო ბაზრებზე ბენზინის ფასების ზრდამ განაპირობა. წინა პროგნოზით,სხვა თანაბარ პირობებში, მომავალი წლის დასაწყისიდან მიზნობრივს უნდა მიახლოებოდა.

მპკ-ი ფიქრობდა, ინფლაციის მოლოდინების ზრდის რისკების გათვალისწინებით პოლიტიკის ნორმალიზაციის პროცესი ნელი ტემპით გაეგრძელებინა (6.5% შეინარჩუნა). სებ-ის პრეზიდენტი განაცხადებს ახლა რას ფიქრობს მპკ ტემპი  ხომ არ ჩქარდება.

ჟურნალისტები ეკონომიკური ზრდის პროგნოზის ცვლილებაზეც ჰკითხავენ. რუსული ემბარგოს  გავლენა   4%-მდე,  თუ უფრო მეტით შეამცირებს პროგნოზს (თიბისის პროგნოზის პესიმისტური 4%-ია, რაც დაღმავალ ტრენდს მოიაზრეს 4%-2% დერეფანში)

სებ-ის პრეზიდენტს კიდევ ერთხელ მოუწევს  მცურავი გაცვლითი კურსის  ავტომატური სტაბილიზატორის ფუნქციურ დატვირთვაზე საუბარი. კონკურენტული გაცვლითი კურსი რომ ხელს უწყობს მიმდინარე ანგარიშის გაუმჯობესებას, რაც

ინვესტორთა განწყობაზე პოზიტიურად მოქმედებს და, შედეგად, საგარეო სექტორიდან მომდინარე რისკებს ამცირებს.