თბილისი (GBC) - სებ- ის ვიცე-პრეზიდენტის არჩილ მესტვირიშვილის თქმით, 24 ივლისს მპკ-ზე თუ დაინახავენ ფასების ზრდის რისკს, გაამკაცრებენ პოლიტიკას, რაც მისი თქმით ბუნებრივია.

“თუ დავინახავთ, პირიქით, მოთხოვნის შემცირების გამო შეიძლება საპირისპირო შედეგი მივიღოთ, შევარბილებთ."გასულ პერიოდში რაც კვლევები ვნახეთ, ეს დამოკიდებული იყო იმ მოლოდინზე, რაც შეიძლება იყოს გამოწვეული ტურისტების რაოდენობის შემცირებიდან. შესაბამისად, ეს როგორც ყველა ქვეყანაზე, საქართველოზეც აისახება. თუმცა იქიდან გამომდინარე, რეალურად როგორი დინამიკა ექნება ტურისტულ შემოსავლებს, შესაბამისად აისახება ეს მომავალში კურსზეც. ჩვენი მიზანია კურსის საშუალო და გრძელვადიანი სტაბილურობა.

ანუ ჩვენი პოლიტიკა, მათ შორის რეზერვების დაგროვების თუ გამოყენების, ყველაფერი იქით არის მიმართული, რომ კურსი იყოს სტაბილური არამარტო დღეს, არამედ ხვალ და მომავალშიც", - აღნიშნა მესტვირიშვილმა. (7 ივლისი, 2019 წ)