თბილისი (GBC) – Georgia Capital-ის თავმჯდომარის და აღმასრულებელი დირექტორის, ირაკლი გილაურის განცხადებით, 2019 წლის პირველ ნახევარში მშპ-ის 4.9%-იანი ზრდის პროგნოზი აჩვენებს, რომ საქართველოს ეკონომიკური ფუნდამენტური ფაქტორები რჩება ძლიერი, რასაც გაუმჯობესებული წმინდა ექსპორტი და ფისკალური სტიმულები განაპირობებს.

მისივე განცხადებით, შემცირებამ და ზეწოლამ იმპორტირებულ საქონელზე, შედეგად მიმდინარე ანგარიშის დეფიციტი მშპ-სთან მიმართებაში მნიშვნელოვნად შეამცირა, 1Q2018-ის 11.9%-დან, 6.2%-მდე 1Q19-ში.

გილაურის ვარაუდით, ტურისტული ნაკადები კვლავ ძლიერი დარჩება რუსეთის ავიაემბარგოს მიუხედავად.

თუმცა, მისივე თქმით, ნეგატიურმა მოლოდინებმა ბოლო პერიოდში ლარის გაუფასურება გამოიწვია, რომელიც მათი აზრით არაა განპირობებული ფუნდამენტური მაკროეკონომიკური ფაქტორებით.

ლარმა უკუსვლა დაიწყო მას შემდეგ რაც ყველა დროის დაბალ ნიშნულამდე 2.95-მდე მიაღწია დოლართან მიმართებაში.

სებ-მა კი, როგორც აშშ დოლარის  შემსყიდველმა წლის პირველ ნახევარში, რეკორდული რეზერვები დააგროვა $3.7 მილიარდის ოდენობით, 30 ივნისის მდგომარეობით.

2019 წლის შვიდი თვის წინასწარი მონაცემებით, სავაჭრო დეფიციტი შემცირდა 14% –ით (y.y) $2.9 მლრდ-მდე, $3.3 მლრდ-დან, რაც გილაურის თქმით, კიდევ უფრო ამსუბუქებს ზეწოლას ლარზე.