თბილისი (GBC) -  ჯაფარიძის და ხაზარაძის ადვოკატი, ზვიად კორძაძე აცხადებს, რომ პირი, რომელმაც ბიზნესმენებს წერილი გადასცა, მზადაა გამოძიებისთვის ჩვენების მისაცემად.

 „ამ საქმეზე შუამავალი არ არსებობდა, ვინ არსებობდა, ამას გამოძიება დაადგენს. წარგენილი იქნება საბუთები. როგორც კი გამოძიება დაიწყება რეალურად, პირი, რომელმაც მოიტანა წერილი, გამოცხადდება და მისცემს ჩვენებას. “, - განაცხადა კორძაძემ.

გამოძიების დასადგენია, გახარაია დაიმუქრა, თუ სხვა პირი 

 „არავის უთქვამს, რომ ბრალდების მთავარი ადრესატი არის გიორგი გახარია. ჩვენ ყოველთვის ვამბობთ, რომ წერილი გადმოგვეცა გიორგი გახარიასგან, შესაბამისად ბრალდების მთავარი ადრესატი ის კი არაა, ვისგან გადმოგვეცა წერილი, არამედ ის, ვისგანაც მოდიოდა ეს მუქარა. ეს არის გამოძიების დასადგენი. გიორგი გახარია არის თუ არა ის პირი, რომელიც უშუალოდ იყო მუქარის ავტორი, თუ – პირი, რომელმაც წერილი გამოატანა, ეს ჩვენი საქმე არაა და არ ვიცით. მამუკა ამბობს იმას, რაც იცის - წერილი მოვიდა გიორგი გახარიასგან“, - აღნიშნა ადვოკატმა.