თბილისი (GBC) - „აბრეშუმის გზის ფორუმზე“ ეკონომიკის მინისტრის მოადგილე გენადი არველაძე აცხადებს, რომ ციფრული გზით მომსახურების სფეროში სახელმწიფომ დიდ წარმატებას მიაღწია.

„დიჯიტალიზაცია მნიშვნელოვანია იმ გამოწვევების მოგვარებისთვის რომელიც ბიზნესების განვითარების გზაზეა. სერიოზული პროგრესი გვაქვს  საჯარო სექტორიდან მომსახურეობის ციფრული გზით მიღების კუთხით, გვინდა ეს ნიშნული 100%-ზე ავიყვანოთ. დღეს მცირე და საშუალო ბიზნესის წარმომადგენლებს შეუძლიათ როგორც საჯარო დაწესებულებებიდან, ასევე  სახლიდან ან ოფისებიდან საჯარო  მომსახურეობა  ციფრული გზით მიიღონ, რაც  მათ კონკურენტუნარიანობას ხელს უწყობს.

გენადი არველაძის განცხადებით,  სახელმწიფო  მცირე და საშუალო ბიზნესების კონკურენტუნარიანობის ამაღლებას მხარს უჭერს.

„ჩვენ ვახორციელებთ სხვადასხვა სახელმწიფო მხარდაჭერის პროგრამებს,  მხარს ვუჭერთ მათ ინოვაციურ განვითარებას, მათ შორის კვლევების მიმართულებით, ჩვენ ვაძლევთ საშუალებას  რომ მათი იდეები ბიზნესში გამოიყენონ.“-განაცხადა  ეკონომიკისა და მდგრადი განვითარების მინისტრის  მოადგილემ გენადი არველაძემ.