თბილისი (GBC) - სებ-ს გამოეყოს საფონდო ბაზრის მარეგულირებელი და ეს ფუნქცია  საფონდო ბაზრის რეგულირებაში გამოცდილ ჯგუფს გადაეცეს, - ვენჩორული კაპიტალის ასოციაციის თავმჯდომარემ აიეტ კუკავა ბიზნესპარტნიორში ბაზრის განვითარების 3 კომპონენტიანი სქემა წარმადგინა.  1) სებ-ის ზედამხედველობის სფეროში უნდა დარჩეს  საფინანსო ინსტიტუტები: ბანკი, მისო, სგს ... კუკავა მიიჩნევს, რომ საბირჟო საქმე დიამეტრალურად განსხვავდება საბანკოსგან.

2) მოვიზიდოთ მსოფლიო ბირჟებზე საქმიანობის გამოცდილების მქონე მენეჯმენტი. 3) დავავალოთ, რომ  სწორება საქართველოს ბაზარზე კი არა,  20 ქვეყნის  600 მლნ-იან ბაზარზე გააკეთოს., - აიეტ კუკავამ  80 მლნ-იანი თურქეთის საფონდო ბირჟის განვითარების  მაგალითი მოიხმო, რომლის ინვესტორების 60%-ზე მეტი ამერიკელი  ევროპელი და აზიელია.

საქართველოს ბირჟაც უნდა წარმოვადგინოთ რეგიონულ მომსახურედ,  ემიტენტებისთვის მიმზიდველი რეჟიმის შეთავაზებით და დაველოდოთ ფულის შემოდინებას. პირველ ეტაპზე კუკავა  საბანკო, აუდიტორული, საკონსალტუციო, ბიზნესტურიზმის სფეროში  შემოსავლების ერთბაშად გაზრდას ელის.

კითხვაზე ამ 3 ნაბიჯის გადადგმაში საქართველოს რამ შეუშალა ხელი, რატომ ვერ გახდა რეგიონალური ჰაბი, - უპასუხა, რომ გაუნათლებლობამ, რისიც არ უნდა შეგვრცხვეს, რადგან არცოდნა ბირჟის არქონით აიხსნება.  ექსპერტები ამიტომ  არ გვყავს და ამ მიზეზითაა მოქმედებები ნელი და მოზომილი.