თბილისი (GBC) - მთავრობა საქართველოს საბანკო სექტორში როგორც ფულის გათეთრების, ისე ტერორიზმის დაფინანსების ჭრილში მომატებული რისკის მატარებლად  არარეზიდენტ კლიენტებს მიიჩნევს.

საქართველოში ფულის გათეთრებისა და ტერორიზმის დაფინანსების რისკების შეფასების ანგარიში 2018 წლის 6 თვის ჩათვლით ვითარებაა განხილული.

ცნობილი ხდება, რომ 2018 წლის 30 ივნისის მდგომარეობით, ბანკებში კლიენტების აქტივების საერთო მოცულობა 19.4 მილიარდი ლარი იყო, რომელშიც ოფშორული ზონებში რეგისტრირებულ პირთა აქტივები 3%-ს შეადგენდა, ამასთან, აქტივების 1.36% მოდიოდა მაღალი რისკის იურისდიქციების რეზიდენტებზე.  მსხვილი აქტივების ფლობით გამოყოფილია სენტ-ჯიტსის და ნევისის ფედერაციის, სეიშელის  და კაიმანის კუნძულების რეზიდენტები.

ანგარიშის მქონე კლიენტების ოპერაციები კი, ასე გამოიყურებოდა:

მთლიანობაში საბანკო სექტორში ფულის გათეთრების რისკი “საშუალოდ” შეფასდა, ტერორიზმის დაფინანსების -  “საშუალო-დაბლად”. ყველაზე მაღალი რისკი ფულის გათეთრების კუთხით საქართველოში სათამაშო ბიზნესს აქვს  და “საშუალო-მაღალი” სტატუსით განისაზღვრება.