თბილისი (GBC) - ტავ ურბან ჯორჯიამ 2018 წელს 164.1 მლნ ლარის მოგებაზე განაცხადა.

თბილისისა და ბათუმის საერთაშორისო აეროპორტების მმართველ კომპანიას გასულ წელს შემოსავლები 214.2 მილიონიდან 250.9 მილიონამდე გაეზარდა. წმინდა მოგების ზრდა წლიურ ჭრილში 7.5 მილიონს აღწევდა. საოპერაცო მოგება კი, 183.6 მილიონი იყო. 

2019 წელს კომპანია შემოსავლებში 25%-იან კლებას ელის.

ფინანსურ ანგარიშში აღნიშნულია, რომ 2018 წლის მონაცემებთან შედარებით 2019 წლის დაგეგმილი ზრდა როგორც მგზავრებში ისევე საჰაერო ტრაფიკის კუთხით იყო 12%. თუმცა 2019 წლის ზაფხულის პოლიტიკურმა მოვლენებმა და რუსულმა საჰაერო ემბარგომ სურათი მნიშვნელოვნად შეცვალა.

არსებული პროგნოზით, რუსეთის საჰაერო ემბარგოს ეფექტი 2019 წლის აგვისტოს მდგომარეობით -11% იყო ვიდრე 2019 წლის საწყისი ბიუჯეტირებული. კონსერვატიული გათვლებით 2019 წლის ბოლოს მდგომარეობით მგზავრთა ნაკადი 1%-ით მცირე იქნება ვიდრე 2018 წლის მონაცემები.

„საერთო ჯამში 2019 წლის მონაცემები დაგეგმილთან შედარებით არასახარბიელო იქნება. თუმცა 2019 წელსვე კომპანიამ დაიწყო აქტიური მოლაპარაკებები რამდენიმე საერთაშორისო ავიაკომპანიასთან. 2019 წლიდან ოპერირებას იწყებენ ისეთი კომპანიები როგორებიცაა: Air France; Air Malta; Uzbekistan Airlines და ასევე ოპერირებას ანახლებს AtlasGLobal რაც იძლევა საშუალებას რომ რუსული ემბარგოს ნეგატური გავლენა შერბილდეს უახლოეს პერიოდშივე“, - აცხადებენ ტავ ურბან ჯორჯიაში.