თბილისი (GBC) - კომპანიამ BioChimPharm (BCP) ინოვაციების სააგენტოსთან საინვესტიციო 650 000  ლარიანი ხელშეკრულება გააფორმა. კომპანიამ სააგენტოს საგრანტო კონკურსის მეორე პროექტში გაიმარჯვა. 

კომპანია ანტიბიოტიკების ბუნებრივი ალტერნატივის (sustainable alternative to antibiotics) შექმნითა და წარმოებით არის დაკავებული,  PowerPhage™ - ი  კი ინოვაციური ვეტერინარული პროდუქტია, რომელიც საკვები ხორცის წარმოების ინდუსტრიაში, მეფრინველეობასა და მეცხოველეობაში ანტიბიოტიკების ჩანაცვლების შესაძლებლობას იძლევა, უსაფრთხო და ბუნებრივი ალტერნატივით - ფაგებით.

საქართველოს ინოვაციების და ტექნოლოგიების სააგენტომ 650 000 - ლარიანი საგრანტო პროგრამა, მსოფლიო ბანკის ფინანსური მხარდაჭერით, მაისში დაიწყო. პროგრამის მიზანია, მოახდინოს ინოვაციების, ინოვაციური საწარმოების შექმნის სტიმულირება და ჩართვა ქვეყნის ეკონომიკაში. პროგრამის მეშვეობით ქართული მიკრო, მცირე და საშუალო საწარმოები, რომელთაც გააჩნიათ პოტენციალი საკუთარი ინოვაცია განავითარონ და წარადგინონ მსოფლიოს დონეზე, მოახდენენ ინოვაციური პროდუქტის პოზიციონირებას გლობალურ ბაზარზე.