თბილისი (GBC) - "მერკელიც პრორუსი  ყოფილა, მაკრონიც  პრორუსი ყოფილა და ყველა საერთაშორისო ორგანიზაცია, პოლიტიკურ სიწუწკეს თავი დაანებეთ", - ირმა ინაშვილმა  უმრავლესობის ლიდერს  უპასუხა. მდინარაძის თქმით პროპორციულ სისტემაზე გადასვლის შემდეგ ოცნებას პრორუსულ ძალებთან  კოალიცია გაუჭირდება, მაგრამ ინიციატივა უალტერნატიოა, დემოკრატიის ხარისხის და პარტიების განვითარების თვალსაზრისით.

მაჟორიტარები აპროტესტებენ საკონსტიტუციო ცვლილებების მომხრეების მხრიდან მათ მხილებას, რომ მხოლოდ მანდატის დაკარგვის შიში აღშფოთებთ. კახა ოქრიაშვილის თქმით, პროპორციული  სისტემა, რომ არ ვარგა  ევროპის პროცესებიც მიანიშნებს. მან სისტემის ცვლილების იტალიის და მოლდოვის მაგალითი მოიხმო.

უმრავლეობას ახალხანს გამიჯნული  ეკა ბესელია მაჟორიტარ დეპუტატებს შეახსენებს, რომ  უმაღლეს საკანონმდებლო ორგანოში  მათ ძირითადად კანონების დამწერად ირჩევენ და არა კანალიზაციის მილების რეაბილიტაციის პრეზენტაციაში მონაწილეობისთვის.

რამდენიმე დეპუტატი  შფოთის და დესტაბილიზაციის საფრთხეების პრეცენციისთვისაც აუცილებლად მიიჩნევს, 92 ხელმიწერით დამოწმებული   საკონტიტუციო  დოკუმენტის მიღებას. ხელმომწერების ნაწილი ხმის მიცემას არ აპირებს.

ნუ იქნება ოღონდ შფოთი - მიგვიყვანეთ  2020 წლამდე  მშვიდად, რადგან კრიზისის გამმკლავებლები არ ხართ -  მიმართავენ ყოფილ თანაგუნდელებს უმრავლესობიდან  გარიცხულები.