თბილისი (GBC) - მშპ-ს დათვლის ახალი მეთოდოლოგიით, საქართველო საინვესტიციო რეიტინგს დაგეგმილზე სწრაფად მიაღწევს.

საქმე იმაშია, რომ საქსტატის მიერ ეროვნული მაჩვენებლების ახალი მეთოდოლოგიით დაანგარიშებით  არაერთი მაკროეკონომიკური მაჩვენებელი უმჯობესდება. მათ შორის იზრდება მთლიანი შიდა პროდუქტის (მშპ)  მოცულობაც - ზრდა 8.5%-ია.

საინვესტიციო ბანკის G&T ინფორმაციით, გაუმჯობესებული მაკროეკონომიკური მაჩვენებლები პოზიტიურად იმოქმედებს სუვერენული რეიტინგზე და ქვეყანა ე.წ. საინვესტიციო რეიტინგს იმაზე სწრაფად მიაღწევს, ვიდრე ეს აქამდე იყო პროგნოზირებული.

მეთოდოლოგია გავლენას იქონიებს ქვეყნის ვალზეც. კერძოდ, ვალის მოცულობის ფარდობა მშპ-სთან შემცირდება 38.9%-მდე.

მცირდება გადასახადებით მობილიზებული შემოსავლები და / მშპ-სთან იქნება  23.6%, ძველი მეთოდოლოგიით დაანგარიშებული 25.6%-ის ნაცვლად, თუმცა ის კვლავ აღემატება საქართველოს მსგავსი ეკონომიკების მაჩვენებელს, სადაც საგადასახადო შემოსავლები/ მშპ-სთან საშუალოდ 15%-ის ფარგლებშია.

ახალი მეთოდოლოგიით მცირდება ფისკალური დეფიტის ფარდობაც მშპ-სთან 2.3%-მდე