თბილისი (GBC) – ლილოს  დახურული ნაგავსაყრელიდან გამოყოფილი გაზის შეკრება და შემდგომ ელექტროენერგიის წარმოება , - ახალი პროექტის დაწყება თბილისის მერმა დაანონსა.

კახა კალაძის თქმით, გაზშემკრები სისტემის მოსაწყობად პროექტირება/ სამუშაოების შესრულებაზე ტენდერი უახლოეს პერიოდში გამოცხადდება. პროექტი 2-წლიანია, სავარაუდო ბიუჯეტი 50-60 მილიონი.

თბილისის მერის თქმით, სამგორის რაიონში, დახურული ნაგვსაყრელი პრობლემებს იწვევს - ქარი ნარჩენებს გადაადგილებს და იქ წარმოქმნილი გაზი სპეციფიკურ სუნს ქმნის.

"ეს ბიზნესისთვის ვფიქრობ, ძალიან საინტერესოა", - კალაძე მიიჩნევს, რომ სხვა ქვეყნების პრაქტიკა აქაც წარმატებული იქნება.